| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 59.51 | Dem. 59.53 (English) | >>Dem. 59.56 |
59.52λαχόντος δὲ τοῦ Στεφάνου αὐτῷ δίκην σίτου εἰς Ὠιδεῖον κατὰ τὸν νόμον ὃς κελεύει , ἐὰν ἀποπέμπῃ τὴν γυναῖκα , ἀποδιδόναι τὴν προῖκα , ἐὰν δὲ μή , ἐπʼ ἐννέʼ ὀβολοῖς τοκοφορεῖν , καὶ σίτου εἰς Ὠιδεῖον εἶναι δικάσασθαι ὑπὲρ τῆς γυναικὸς τῷ κυρίῳ , γράφεται ὁ Φράστωρ Στέφανον τουτονὶ γραφὴν πρὸς τοὺς θεσμοθέτας , Ἀθηναίῳ ὄντι ξένης θυγατέρα αὐτῷ ἐγγυῆσαι ὡς αὑτῷ προσήκουσαν , κατὰ τὸν νόμον τουτονί . καί μοι ἀνάγνωθι αὐτόν .τὸν μὲν τοίνυν νόμον ἀνέγνω ὑμῖν , καθʼ ὃν ἐγράφη Στέφανος οὑτοσὶ ὑπὸ τοῦ Φράστορος πρὸς τοὺς θεσμοθέτας . γνοὺς δʼ ὅτι κινδυνεύσει ἐξελεγχθεὶς ξένης θυγατέρα ἠγγυηκέναι καὶ ταῖς ἐσχάταις ζημίαις περιπεσεῖν , διαλλάττεται πρὸς τὸν Φράστορα καὶ ἀφίσταται τῆς προικός , καὶ τὴν δίκην τοῦ σίτου ἀνείλετο , καὶ ὁ Φράστωρ τὴν γραφὴν παρὰ τῶν θεσμοθετῶν . καὶ ὡς ἀληθῆ λέγω , τούτων ὑμῖν μάρτυρα αὐτὸν τὸν Φράστορα καλῶ , καὶ ἀναγκάσω μαρτυρεῖν κατὰ τὸν νόμον .
59.54κάλει μοι Φράστορα Αἰγιλιέα .
Νόμος
ἐὰν δέ τις ἐκδῷ ξένην γυναῖκα ἀνδρὶ Ἀθηναίῳ ὡς ἑαυτῷ προσήκουσαν ,ἄτιμος ἔστω ,καὶ ἡ οὐσία αὐτοῦ δημοσία ἔστω ,καὶ τοῦ ἑλόντος τὸ τρίτον μέρος .γραφέσθων δὲ πρὸς τοὺς θεσμοθέτας οἷς ἔξεστιν ,καθάπερ τῆς ξενίας .
59.53
Μαρτυρία
Φράστωρ Αἰγιλιεὺς μαρτυρεῖ ,ἐπειδὴ ᾔσθετο Νεαίρας θυγατέρα ἐγγυήσαντα αὑτῷ Στέφανον ὡς ἑαυτοῦ οὖσαν θυγατέρα ,γράψασθαι αὐτὸν γραφὴν πρὸς τοὺς θεσμοθέτας κατὰ τὸν νόμον ,καὶ τὴν ἄνθρωπον ἐκβαλεῖν ἐκ τῆς ἑαυτοῦ οἰκίας καὶ οὐκέτι συνοικεῖν αὐτῇ ,καὶ λαχόντος αὑτῷ Στεφάνου εἰς Ὠιδεῖον σίτου διαλύσασθαι πρὸς αὑτὸν Στέφανον ,ὥστε τὴν γραφὴν ἀναιρεθῆναι παρὰ τῶν θεσμοθετῶν καὶ τὴν δίκην τοῦ σίτου ἣν ἔλαχεν ἐμοὶ Στέφανος .
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 59.51 | Dem. 59.53 (English) | >>Dem. 59.56 |
